தமிழ் பெண் பதிவர்களுக்கு ஒரு கேள்வி

                      

                       என் நண்பர் இன்னிக்கி ரொம்ப சோகமாயிருந்தாரு..எப்பவும் வாணிலியில போட்ட கடுகு கணக்கா எல்லாரயும் பொரிந்து தள்ளுபவர்,இன்னிக்கி சைலண்டா இருக்காரே..ஊருக்கு போன் அவர் மனைவி திரும்ப வந்துட்டாங்களோ?..ன்னு ஜாலியா கேட்டதுக்கு..மனுஷன் தனது சோகத்த ஒரு அண்டா நெறய பிழிந்து கொடுத்துட்டார்.

                     விஷயம் இதுதான்.லீவாச்சேன்னு மனைவியும் வீட்டுல இல்லயேன்னு காரை எடுத்துக்கிட்டு ஊர் சுத்த போனவர்,ஒரு ரவுண்டானாவ சுத்தும் போது,இன்னொரு காரும் அவர இடிக்கிற போல வந்து நின்னுச்சாம்..அவரு சரியாதான் ஒட்டியிருக்கிறார்(-ன்னு சொன்னார்).வழக்கம்போல கோபமா இரங்கி நின்னாக்கா.. அழகா ஒரு அரபி பொண்ணு காருலருந்து இறங்குச்சாம்.
                   பொண்ணப் பாத்தது இவுரு பரிதாபப்பட்டு (பயப்பட்டு -ன்னு எங்களுக்கு தெரியுமில்ல.) போனாப் போவுதுன்னு திரும்பியிருக்கார்.அப்பத்தான் சரளக்கல்ல கிரைண்டருல அரைச்ச மாதிரி ஒரு குரல்.நண்பர் நெசமாவே பயந்து போயி(இப்ப ஒத்துக்கிட்டார்) திரும்பி பாத்தா..
                  அந்த அரபி பொண்ணுதான் இவர சத்தமா திட்டிகிட்டு இருக்கா..இவருக்கு எங்கே போலிசை கூப்புடுவாளோ -ன்னு பயமும், திட்டு வாங்குவதால்(அவள்திட்டும் அரபி வார்த்தைகள் அவருக்கு புரிந்ததால்) தர்மசங்கடத்திலும் நெளிந்து,ரவுண்டாணாவுல யாருமில்லாத்தால,மன்னிப்பு கேட்டு எஸ் ஆயி வந்தவருதான்."சேது afterthe intervel விக்ரம் போல" எங்கோ பார்க்கிரார்.
                  "ஹிம்...பொண்ணுன்னா ஒரு அச்சம்,மடம்,நாணம்,பயிற்ப்பு வேணாம்?.அது சரி தமிழ் பொண்ணுன்னா அவுங்களுக்கு தெரியும்,இதுகளுக்கு என்ன தெரியும் ?கூடைய தொறந்த கோழியப் போல சுத்துதுங்க இன்னு பொலம்பினாரு..".

                         அத கேட்ட டவுட்டு தனசேகரு எங்கிட்ட "மச்சி அச்சம்,நாணம் இன்னாக்கா தெரியும்.மடம் கூட,கொஞ்சம் புரிஞ்ச மாதிரி இருக்கு,ஆனா "பயிற்ப்பு"-ன்னா இன்னான்னு அறியாபுள்ள தனமா கேட்டு வைக்க,எல்லாரும் என்னிய முட்டாய் கடை போல பார்க்க,என்னையும் பெரிய மனுஷனா நெனச்சு ,ஒரு புத்திசாலிதனமான கேள்வி கேற்க்கும் போது,தெரியல்லண்ணா நல்லாயிருக்காதில்ல...

                            கவலைப்பட்டுக்கினுறுந்த நண்பருங்கூட ஆவலா என்னிய பாக்கரது தெரிஞ்சது.வேர வழியில்ல.. 'வார்த்தையை சொன்ன நண்பரே,இப்ப சொல்லுவாருன்னு அவர காட்டிட்டேன்.அவரோ "குண்டக்க ம்ண்டக்கன்னா,குண்டக்க ம்ண்டக்க தான் "வடிவேலு மாதிரி,இதுக்கெல்லாம் விளக்கம் சொல்லமுடியுமாடான்னுடார்.நீ திட்டு வாங்க தான் லாயக்கு,நம்ம மச்சி சொல்லுவானு -ன்னு எல்லாரும் மறுபடியும் என்னைய பாக்க "நியுட்டனின் விதிய பொய்யாக்குர மாதிரி நமது வினைக்கு,இரண்டு மடங்கு எதிர் வினை வருது.நம்மலயும் "லாயக்கு" லிஸ்டில சேத்துருவாய்ங்களோ..
                         
                       அப்படியே சஸ்பென்ஸ மெயின்டெய்ன் பன்னிக்கிட்டு,"எல்லாருக்கும் 24 மணி நேரம் தரேன்,கார் ,ஹலிகாப்டர் எது வேனுமினாலும் எடுத்துக்குங்க,எல்லா கருப்பு பண பைலும் என் டேபிளுக்கு வரனும்" முதல்வன் அர்ஜின் போல, 'பயிற்ப்பு -ன்னா என்னனு இன்ன முழுசும் யோசிங்க.தெரியலன்னா.. நாளைக்கு சொல்லரேன்..-ன்னுட்டேன்.[நாளைக்கு , யாரும் கண்டு புடிக்கலன்னா எங்கயாவது " எஸ் "ஆகனும்.]

                       ரவி மாத்தரம் புத்திசாலிதனமா எங்கிட்ட வ்ந்து மாமு எனக்கு தெரியும்.எங்கிட்ட மட்டும் சொல்லு.நா நெனச்சதும் நி சொல்லரதும் ஒன்னான்னு பாக்கனுமின்னான்.உஷாராயிட்டேனில்ல... விஷயந்தெரிஞ்சவங்களுக்கு தெரிஞ்ச விசயத்த மறுபடி சொல்லரது வேஸ்ட்-ன்னுடேன்.
டென்ஸனான ரவி சரி ஒத்துக்குறேன் .எனக்கு தெரியல.. இப்ப சொல்லு..ன்னான்.அப்படி வா வழிக்கு.ஆனா ஒன்னும் தெரியாதவங்ககிட்ட அவிங்களுக்கு தெரியாத விசயத்த பத்தி பேசரது நாகரீகமில்ல-ன்னேன்.

                          அவனுடைய நெற்றிக்கண் (?)ண தொறந்து என்ன எரிக்கரத்துக்கு முன்ன அங்கிருந்து எஸ்கேப் ஆனேன்.

                         நேரா இணையத்துல்ல குதிச்சி... கூகுளாண்டவருகிட்ட மனு போட்டா... ரெண்டு மொக்க குறிப்ப எடுத்து காட்டனாரு.. அதுல ஒன்னுமில்ல..
ஒரத்துல்ல இருக்குர தமிழ் அகராதி தேடல் எல்லாத்துலயும் "பயிற்ப்பு/ பயிர்ப்பு" எல்லாம் கொடுத்து பாத்தாச்சி..நோ ரிசல்ட்ன்னு வந்துச்சி.

                              அப்பத்தான் நண்பர் சொன்ன வார்த்த மீண்டும் காதில் ஒலித்தது..சே..இதை எப்படி மறந்தேன் நான்..[ "ஹிம்...பொண்ணுன்னா ஒரு அச்சம்,மடம்,நாணம்,பயிற்ப்பு வேணாம்?.அது சரி தமிழ் பொண்ணுன்னா அவுங்களுக்கு தெரியும்,"].
                             அக்கம் பக்கத்துல்ல யாரும் இல்லாததால உடனே ஊருல,வக்கில் [வைக்கோல்-அல்ல]உதார் விட்டுக் கொண்டிருக்கும் கவி அக்காவுக்கு போன் போட்டேன்[ உயிர் நண்பனின் அக்கா].
                            டேய் எப்படிடா இருக்க..இன்னு வழக்கமான விசாரிப்பை தொடர்ந்த அக்காவிடம்.அதெல்லாம் இருக்கட்டுங்கா..நான் இப்ப ஒரு சிக்கல இருக்கேன்,என்னோட கவுரவமே(?) ஒங்க பதில்லதா.. இருக்கு..

பீடிக போடாம ஒடனே சொல்லுரா..

எனக்கு பயிற்ப்பு -பத்தி தெரியனுங்கா...

அட இதுக்கு போயா கத்தருலருந்து கூப்புடவ.. அதுல பல வகை உண்டு..

இது வேறயா..இருங்கக்கா... பேனா..பேப்பர் எடுத்துக்கிறேன்.

எடுத்துக்க...எடுத்துக்க.....எடுத்துட்டயா?..

ம்..சொல்லுங்கக்கா..

உளுத்தம் பருப்பு,பாசிப் பருப்பு,பச்சை பருப்பு..இதுதான் இப்ப வெல ஜாஸ்தி..அடுத்து...

அக்காஆஆஆஆ .

என்னடா...அங்க....நங்கு நங்கு-ன்னு இரும்பு சத்தமெல்லாம் கேக்குது..

அது நாந்தான் இங்க சொவத்துல தலைய முட்டிக்கிட்டேன்.அதவிடுங்க..நாங்கேட்டது சமையல் பருப்பல்ல.. ப..யி..ற்.நெடில்..ப்...பு.

"பயிற்ப்பு " சரியான வார்த்த தானா? நல்லா பாத்தியா "ஸ்பெல்லிங்" மிஸ்டேக் இருக்க போவுதுடா...

சமாளிக்காதிங்கக்கா.... ஒரு குளூ உண்டு. அது அச்சம்,மடம்,நாணம் வரிசையில தமிழ் பொண்ணுக்கு அவசியமான ஒரு குணம்.

அச்சம்,மடம்,நாணம் வரிசையில அப்படின்னா இந்த காலத்து பொண்ணுங்களுக்கு அது தேவையில்லன்னு அர்த்தம்டா.

"பயிற்ப்பு " ன்னா என்னன்னே தெரியாம,அது அவசியமில்லன்னு எப்படி சொல்லுவிங்க..தெரியுமா? தெரியாதா?..

அது.. அது.. அட உங்க மாமாவே வந்துட்டாரே .அவருகிட்ட கேளு.அவரு புத்திசாலி.

அதுல புத்திசாலிங்கரத்துலதான் எனக்கு சந்தேகமே...

ஏண்டா?

உங்களை போய் காதலிச்சி கல்யாணம் பண்ணிக்கிட்டாரே..

அடிச்சேன்னா.. ஊருக்கு வருவல்ல.. அப்ப பாத்துக்கிறேன்.

ஹலோ..பையா என்னடா சந்தேகம்.

வாங்க மாமா..அச்சம்,மடம்,நாணம் வரிசையில "பயிற்ப்பு " ன்னா என்ன?

ம்...ம்....உங்க கவி அக்கா கிட்ட அச்சம்,சமயல்ல உதவி பண்ணரதால மடம் ,அது மத்தவங்களுக்கு தெரிஞ்சிடுமோங்கிற நாணம் எல்லாம் எனக்கு இருக்கிறத்தால,அந்த.. என்னது..அங்.. பயிற்ப்பு அதுவும் எங்கிட்ட இருக்கனுந்தான் தோனுது.ஆனா என்னன்னு தான் தெரியல..

நான் இங்கு ...நங்கு....நங்கு....நங்கு.........

இடைவிடாம "இரும்பு சத்தம் கேட்டதால.. அங்க மாமா..போன் ரிப்பரோ -இன்னு நினைத்திருக்க கூடும்.

மக்கள்ஸ்..

நடந்த எல்லாம் கேட்டங்கல்ல.... அய்யா சொல்லுங்க....அம்மா சொல்லுங்க.....அக்காசொல்லுங்க...
தமிழ் பொண்ணுங்களே சொல்லுங்க....

அந்த "பயிற்ப்பு " ன்னா என்னங்க.....

நில்லுங்க.. நில்லுங்க.. ஓடாதிங்க....கொஞ்சம் நில்லுங்க please ..சொல்லிட்டுப் போங்க....


"பயிற்ப்பு " ன்னா என்னங்க.....