அல்ப சந்தோஷங்கள்...

                      மக்கள்ஸ் இன்னிக்கு தோஹாவுல பயங்கர குளிரு... அதுல என்ன சந்தோஷம்ங்கரிங்களா?...

                      நார்மலா வருஷா வருஷம் டிசம்பர் மாத மத்தியில தான் தோஹாவுல குளீர் உச்சத்துல இருக்கும்.

                     போன வருஷம்.. டிசம்பர் ஆரம்பத்துல குளிர் இல்லாததால, அம்புட்டு குளிர் இருக்காதுன்னு ஆருடம் சொன்ன டவுட்டு தனபாலுவ நம்பி(இதுல வேற எங்க எல்லாரைவிட ரொம்ப வருஷமா இங்க இருக்கான்னு ரொம்ப பெருமை அவனுக்கு), ரூம் ஹீட்டர் வாங்காம விட்டதால திடீருன்னு குளிர் கால மாறுதல் வந்ததும்.. ஏசியெல்லாம் ஆஃப் செஞ்சும்,நைட்டு தூங்கும் போது கூட வெதர் கோட்டு,காலுல சாக்ஸ்,கையுல டிரைவிங் கையுரை,தலையில கம்பளி தொப்பி,கம்பளி போர்வைன்னு ரொம்ப கஷ்டப் பட்டுட்டேன்.இத்தனையும் தாண்டி உள்ளங்காலுல ஒரு ஜில்லிப்பு.எந்த கடையிலயும் ஹீட்டர் கெடைக்கலை எல்லாம் முன்னாடியே வித்துருச்சாம்..


                                  ஆயில் டைப்பு ஹீட்டர் வாங்கிக்கிட்டு வந்தா ,கொஞ்ச நேரத்துல ஏதோ கருகிய மாதிரி மணம் வருதுன்னு யுஸ் செய்யவே இல்லை.. நைட்டெல்லாம்  எலட்ரிக் கெட்டில்ல வென்னீர் போட்டு ,ஃபிளாக்ஸ்க்குல சூடா வைச்சு , எப்பப்போ குளீரால தூக்கம் கலையுதோ,அப்பப்போவெல்லாம் ஒரு வாய் குடிச்சு சமாளிச்சேன்.வீட்டுல நான் மட்டும் தனியா குடியிருக்கறதால தூக்கம் கலைஞ்சாக்கூட பேச ஆளில்லை.

                                    காலையில எழுந்து கதவை துறந்தாக்கா.. வாசல்ல விட்டுருந்த என்னோட செருப்பே கண்ணுக்கு தெரியலை.அம்புட்டு பனி மூட்டம். வாட்டர் ஹீட்டருல கொதிக்கிற வென்னிர் சூடு கூட ,குளிக்கும் போது கத கதப்பாத்தான் தோனிச்சு.சூடே தெரியலை...


                                    அப்புறம் நாட்டின் மூலை முடுக்கெல்லாம் உள்ள எல்லா நண்பர்களுக்கும் போர்கால அவசரத்துல மெசேஜ் அனுப்பி எந்த ஏரியாவுல எந்த கடையில ஹாலஜன் பல்ப் ஹீட்டர் கெடச்சாலும் ,கடைய சீல் வைச்சு மெஜேஜ் தரணுமின்னு உத்தரவு போட்டு,கடைசியா மூணு நாள் கழிச்சி ஏதோ ஒரு டப்பா கடையில பழைய ஹீட்டர் தான் கெடச்சிச்சு... அப்பாடா ஆலையில்லா ஊருக்கு இலுப்பை பூ சக்கரைங்கரது போல ,சந்தோஷமா வாங்கிப்போயி யுஸ் செஞ்சாக்கா.. தேவர் மகன் படத்துல "வெறும் காத்து தான் வருது"ன்னு சொல்லுற மாதிரிவர்ர மாதிரி ,வெறும் வெளிச்சம் தான் வந்துச்சு,சூடு வரலை...

                                இதெல்லாம் வேலைக்காவாதுன்னு ,ஹீட்டரோட இருக்கிற ஏசியா மாத்திப்புட்டேன்... ஆனா ஏசி மிஷினுல இருக்குற ஹீட்டர ஆன் செஞ்சாக்கா.. அதுலயும் அதே தீஞ்ச வாசனை வருது,.. கம்பி சூடாகி, சூடு வர்ரதால அப்படித்தான் இருக்குமாம். எப்படியோ அதை வைச்சே சமாளிச்சேன்...

                                  இந்த வருஷம் முன்னாடியே ,புத்திசாலித்தனமா.. நவம்பர் கடைசிலயே ஓடிப்போயி ஹாலஜன் லைட் ஹீட்டர் வாங்கிட்டேன்... ஓளியினால வெப்பமாக்குறதால ரூம் முழுசா சீரா பரவுது.ஏசிலயே வர்ர ஹீட்டர் போல எந்த மணமும் இல்லை.. மத்த டைப் ஹீட்டர் போல ஹீட்டரே சூடாவரது இல்லை.. சைஸ்சும் சின்னது.வெயிட் அரவே இல்லை.. ஆனா லைட்ட ஆன் செஞ்சாக்கா,ரூம் முழுக்க விரைவா வெப்பமாக்கிடுது.

                                   அதுலயும் ஃபேன் மாதிரி 180 டிகிரி தானா சுத்துற வசதியும் உண்டு. டைமர் வசதியும் இருக்கு , மூன்று அடுக்கு ஓளி-வெப்பம் அட்ஜெஸ்மெண்டும் வேற இருக்கு.

                                    அடடா... இத நம்ம நண்பர்களுக்கும் ரெக்கமென்ட் செய்யலாமேன்னு ,அப்பவே எல்லாருக்கும் ,மாடல் விபரம்,கிடைக்கிற கடையெல்லாம் போட்டு ஈ-மெயில் அனுப்பினேன்.. ஆனா மறுபடியும் டவுட்டு தனபாலு.. மாமு இந்த வருஷம் குளிர் இருக்காது.வேன்னா பாரேன்ன்னான். குளிர் வந்தா பாத்துப்போம் மச்சின்னானுங்க...பசங்க...

                                  அதே போல டிசம்பர் மத்தியில கூட குளிர் அவ்வளவு இல்லை.. அதிகாலையில லேசா பனி மட்டும் இருந்துச்சு. பசங்களுக்கு சந்தோஷம். நாங்க்கூட என்னடா இது ? இம்புட்டு முன்னெச்சரிக்கையா வாங்கில்லாம் வைச்சு இப்போ மூட்டைக்கட்டி போட்டிருக்கோமே..அதவிட நெறய சொம்மா செலவெல்லாம் தெனமும் செஞ்சிக்கிட்டுத்தேன் இருக்கோம். ஆனா...நாம இம்புட்டு கணிச்சு இவனுங்களுக்கெல்லாம் சவால் விட்டு வாங்கனப்பறம் சொம்மா வேஸ்டாகிடுச்சேன்னு ஃபீல் பண்ணேன்.. அந்த ஹீட்டருக்காகவாவது குளிர் வரப்டாதான்னு ஒரு ஆசை...

                                  என்னோட ஆசை நிறைவேறிடுச்சு.. ரெண்டு நாளா.. குளிர் பட்டைய கெளப்புது.. எனக்கோ.. ஹீட்டருனால ரூமே சொம்மா கத கதப்பா சுகமா இருக்கு.. வேணுமின்னே ஜன்னல் கதவையும் திறந்து வைச்சுக்கிட்டு குளிர் காத்துல லைட் ஹீட்டர் ஓளியில ,குளிர் காஞ்சுக்கிட்டு நடு ராத்திரில வலை மேயரது நல்லாத்தேன் இருக்கு. இதே மத்த டைப் ஹீட்டருன்னாக்கா.. .வெளிக் காற்று வரப்டாது.. ஏன்னாக்கா வெப்பம் காற்று மூலமாவே கடத்தபடறதால..(ஏசி குளிர் மாதிரியே..),ஆனா இதுல வெப்பம் ஓளி மூலமா பரவரதால காற்று ஊடகம் பற்றி கவலையே இல்லை..

                                      பசங்களுக்கு போன் போட்டு "நல்லா ,குளிரா, ஜாலியா இருக்குல்ல"ன்னு போட்டு வாங்கனாக்கா..... "மச்சான் ,நீ சொன்னத அப்பவே கேக்காம போயிட்டோம்டா... லைட்டு டைப்பு ஹீட்டரெல்லாம் வித்து போயிருச்சாம்.. மிச்சமிருக்குற ஏதாவது சில கடைகளுல வெல அதிகமா கொடுத்தாவது நாளைக்கு வாங்கிப்புடனும்"ன்னு புலம்பரானுங்க...

ஒரே நாளுல என்னோட வேஸ்ட் ஹீட்டரு..ஹீரோ ஹீட்டராயிட்டாரு...

                                        என்னோட முன்னெச்சரிக்கை பலன் குடுத்ததுல ஏதோ ஒரு அல்ப சந்தோஷம்....ஹிஹி.. ஆனா இதப்போல சின்ன ,சின்ன அல்ப சந்தோஷங்களும் தேவைன்னு தான் தோனுது...


                                         மத்தவிங்க ஹீட்டர் வாங்கரதையும் ஜோசியம் சொல்லி தடுத்த டவுட்டு தனபாலு என்ன பாடு படறான்னு தெரிஞ்ச்சிக்க.. போன் செஞ்சா ஹிஹி... "உன் ஹீட்டர விட எங்கிட்ட சூப்பர் ஜடியா இருக்கு ..சொன்னா நீ திட்டுவே "ங்க்கரான். "அட.. சொம்மா சொல்லுடா.. எல்லாருக்கும் பயன்படட்டுமே"ன்னு கேட்டாக்கா.." மாமே.. ஒரு குவாட்டர கப்புன்னு அடிச்சுட்டு படுத்துட்டா.. பனி மலையில படுத்தாலும் குளிர் தெரியாது"ங்கரான்.. திருந்தவே மாட்டான்..

                                          அவன் கெடக்கிறான் "தண்ணி"ப் பாம்பு. எப்படியோ... இந்த கடுங்குளிரை ,இதமா மாற்றி ,புத்தாண்டை வரவேற்க்க காத்திருக்கும் என்னோட ஹீரோ ஹிலியம் ஹீட்டருக்கு... நன்றிகள்...

                                          அவர நீங்களும் பாக்க வேணாமா?...உங்களுக்காக எப்பிடியெல்லாம் போஸ் குடுக்கறாரு பாருங்க...


ஸ்டார் மியுஜிக்


லேசா, லேசா...


முழு வெப்பம் செட்டிங்...


நின்ன இடத்துலயே சுத்துறாரு...